Watu 30 wafa maji Guinea

Wakuu wa Guinea wanasema kuwa watu kama 30 wamekufa kwenye ajali ya mashua katika bahari ya Atlantic.

Inaarifiwa kuwa mashua hiyo ilikwenda mrama kwa sababu ya dhoruba wakati ikisafiri kutoka mji mkuu, Conakry, kuelekea kisiwa cha Kassa, safari ya kilomita 10.
Shughuli za uokozi zimesimamishwa.
Ajali kama hizo zinatokea mara kwa mara nchini Guinea na kwengineko Afrika, ambako mashua hupakia abiria wengi na hazitazamwi sawa sawa.
Habari hii kwa idhini ya idhaa ya BBC